Санатталмаған

«Гүлдер әлемі» гүлдер фестивалі

Ақтөбе қаласында «Гүлдер әлемі» гүлдер фестивалі өтті.
16 қыркүйек Абай даңғылы бойындағы гүлзар жұпар иісті әдемі гүлдермен көмкеріліп тұр. Мұнда ұйымдастырылған “Гүлдер әлемі” фестиваліне кәсіпорындар, жеке кәсіпкерлер, оқу орындарының, бала-бақшадардың, мектептен тыс ұйымдардың ұжымдары, гүл өсіруші тұрғындар қатыса алды. Ерекше шараға қатысуға барлығы 156 өтініш түскен.
Ақтөбе облысының 90 жылдық мерейтойын насихаттау мақсатында өткен фестивальдің ашылуына облыс әкімі Ералы Тоғжанов қатысып, мұндай тәрбиелік маңызы зор шараларды жиі өткізу керектігін баса айтты.
“Табиғатты аялауға, қоршаған ортаның көркемдігін көруге баулитын осындай шараларды тұрғындардың қатысуымен кең көлемде өткізіп тұру керек. Гүл өсірумен, көгалдандырумен айналысатын мамандарды тарту арқылы қаланы абаттанлыруға, өзіндік сәндік сәулетін қалыптастыруға тырысуымыз керек”, – деп тапсырды облыс әкімі.
Қаладағы танымал гүл салондары ғана емес, бау-бақша баптайтын бағбандарды да ұмыт қалдырмаған фестиваль соңында ең үздік гүл өсірушілер 9 номинация бойынша марапатталды. Қала тұрғындарды көрме-жәрмеңкеден көңілі қалаған гүлдерді, шәй мен балдың түрлі сұрыптарын, көпжылдық көшеттер, басқа да бақша өнімдерін сатып ала алды. Шара соңы жергілікті өнерпаздардың концерттік бағдарламасына ұласты.

ТАЛАПКЕРГЕ

Ш. Берсиев атындағы Ақтөбе жоғары ауыл шаруашылығы колледжі»МКҚК 2022-2023 оқу жылына күндізгі (Ақысыз негізінде) талапкерлерді қабылдайды.

Облыс әкімімен кездесу

23.06.2022ж. күні Ақтөбе облысының әкімі Уразалин О.С., қала әкімі Шахаров А. Б. және Ақтөбе облыстық мәслихат хатшысы Калдыгулова С.М. колледж базасына келіп, соның ішінде “Ветеринария” және “Зоотехния” мамандықтары бойынша жабдықталған кабинеттердің материалдық жағдайымен танысты. Танысу барысында арнайы пән оқытушылары тарапынан ұсыныстар айтылды. Айтылған ұсыныстарды облыс әкімі жолға қойып, сол ұсыныстарды жүзеге асыру барысын қадағалайтынын және өз тарапынан көмектер көрсетілетінін айта өтті!!!

«Қайырлы таң, Ақтөбе»

2022 жылдың 29 күні колледждің оқу бөлімінің меңгерушісі А. С. Қанбаева, арнайы пән оқытушысы А.Е. Есіркепов және колледж студенті Ж.Жиенбай «Қазақстан-Ақтөбе» телеарнасының «Қайырлы таң, Ақтөбе» бағдарламасына барып, Ауыл шаруашылығы тақырыбында тікелей эфирде сұхбат берді. Сұхбат барысында колледж туралы, ондағы ауыл шаруашылығы мамандықтарының тиімділігі және т.б сұрақтар қойылды.

БҚАТУ жанындағы зерттеу орталығындағы экскурсия

Колледж директорының ОӘІЖ орынбасары Әсемгүл Әбдіғалиқызы Орал қаласындағы іс сапар барысында Жәңгір хан атындағы Батыс Қазақстан аграрлық-техникалык университеті жанындағы ғылыми зерттеу орталығында болып , ауылшаруашылык саласындағы ғылыми эксперименттер нәтижесін өндіріске енгізумен айналысатын зертханалар жұмысымен танысты.

Университетпен ынтымақтастық

Маусым айының 15-16 жұлдызында директордың ОӘІЖ орынбасары Әсемгүл Әбдіғалиқызы Орал қаласы Жәңгір хан атындағы Батыс Қазақстан аграрлық техникалық университетіне қызметтік іс сапармен барып келді. Іс сапар барысында екі оку орны арасындағы ынтымақтастық меморандум аясында жасалатын жұмыстар мен жоспарлар талқыланды. Сонымен қатар университет оқытушыларымен бірге өткізілетін іс шаралар,семинар ,шебер кластар жоспарланды.